INAKKE PASOMBALAK

SANJA MANGKASARA
Oleh : Syahril R Patakaki Dg. Nassa

MEDIAKTUAL.COM – MAKASSAR :

Inakke pasombalak
Akbise mattompok tamparang
Tamallili bombang
Tammaliang ri sokbok

Inakke pasombalak
Tuli mannyombalang
Baribbasak karueng
akdolangang pangngukrangi
Narapik bangngi
Mattamparang sokna nikanakkukiya

Kakdek niak kulleanna
Mattamparang ri laisikna
Belo-belo bonto nikapetaiya
Turungang kaminang bellaya
Tanirupaya bakkena
Natakrapik pangngaiya

Inakkemi anne pasombalak
Akliliko bombang
Tinraki timungannu
Pasaua rI kabattuanku
Nakubuntuluk kajannangang
Pallewainna tappak pakminasanku
Tajalli pangngukrangingku
Mattamparang laisikna
Pannyombalang pakdolanganku

Inakke pasombalak
Tuli makdolangang
Mattamparang ri empo kalompoanNa.

Rappokalling, Makassar. 14/12/22.(red)