‘Pangngukrangi Mami’

Sanjak Mangkasarak
Oleh : Syahril Patakaki Daeng Nassa.

MEDIAKTUAL.COM – MAKASSAR :

Kammisik
Tanggalak salapang junia
Taung ruampulong rua
Allo kamateannu

Ammaliang mako antu
Ri erok Allahu Ta’ala
Tena gaweku
Tena pakkulleku
Passukkukannu
Kubolik ri pakmaik

Siapantaung sallona
Silema-lema pangngai
Sekre pakrisik
Sekre erok
Mingka sekre takadderek
Napanjaria batarayya
Takkulle kukintak
Assalak kabatuanta
Pakrasangang masunggua
Tenayya poteranganna

Ammoterang mako antu kamase
Nirurungan numera sikna pakmaik
Bellami lampanu
Mingka pangngai tamaklampa inja
Jari-jarinu tuli massallerang
Angngerang pakballe pakmaik
Tuli aknanung lalang pakdoangang
Ri jeraknu anne
Pangngukrangi amalak kabajikannu
Anjari pannyaleori.(red)